Guddoomiyew Jawaari Oo La Kulmay Madaxda Howlgalka AMISOM

 

Guddoomiyaha Baarlamaanka Federaalka Soomaaliya Prof Maxamed Sheekh Cusmaan Jawaari oo wehliyaan ku-xigeenkiisa labaad Mahad Cawad Cabdalla iyo Xoghayaha Baarlamaanka iyo xildhibaanno ayaa kulan kula qaatay Xerada Xalane Wakiilka Midowga Africa u qaabilsan Soomaaliya ahna Madaxa AMISOM Amb. Fransico Madiera iyo Saraakiisha Ciidamada AMISOM.

Kulanka oo ahaa mid waqti badan qaatay ayeey labada dhinac uga wada hadleen xiisada ka dhalatay Mooshinka laga keenay guddoomiyaha iyo sugida Amniga xarunta Golaha Shacabka oo la wareegeen ciidamo aan aheyn kuwii horay u joogay.

Wararku waxaa ay intaa ku darayaan in Guddoomiye Jawaari weydiistay AMISOM sugida ammaanka xarunta Baarlamaanka, iyadoo dhawaan la filayo in codka kalsoonida loo qaado Mooshinka.

Madaxda AMISOM ayaa la sheegay in ay aqbaleen dalabka guddoomiyaha , iyaga oo balanqaaday in ay dardar geliyaan howlaha sugida amniga Xarunta Golaha shacabka, iyadoo AMISOM waajibaadkeeda qeyb ka yahay amniga Guddoomiye Jawaari.

Dhawaan ayay aheyd markii ciidamo dheeraad ah oo ka socday AMISOM la geeyay xarunta, kaddib markii uu soo baxay khilaafka siyaasadeed ee ka dhex bilowday Golaha shacabka, iyadoo ciidamadii xarunta ilaalinayay ee ka tirsanaa Booliska, lagu bedelay ciidamo kale oo iyana Boolis ah.


Fikradaha Akhristayaasha (0)




ADVERTISEMENT