Maxaa ku qasbay in Maxamed Nuur uu dilo Justine Daimond oo u dhalatay Australia?

 

Sarkaal Maxamed Nuur oo ka tirsan Booliiska magaalada Minneapolis ayaa Talaadadii shalay loo xirey in uu ula kac u dilay Justine Damond oo aheyd Haweeney u dhalatay dalka Australia, nin ay saaxiibo ahaayeena kula nooleyd Magaalada Minneapolis.

Sarkaalkan Soomaaliga ah ayaa toogasho ku dilay haweenaydan 15-kii July sanadkii hore 2017-kii, xilligaasi wixii ka dambeeyay waxaa socday Dacwadaha la xiriira falkan.

Xeer Ilaaliyaha degmada ay ku taallo magaalada Minneapolis oo warbaahinta la hadlay ayaa soo bandhigay eedeymo rasmi ah oo uu u jeediyay Maxamed Nuur, oo kala ah dilalka Darajada Saddexaad iyo darajada Labaad, oo hadii lagu helo sarkaalkan ay ka dhalan karto keeni karto xabsi aad u dheer.

Qarreennada u doodaya Maxamed Nuur ayaa aad u beeniyay arrintan, waxayna ku doodayaan in Xeer ilaaliyaha waxyaabaha uu sheegay aanay waxba ka jirin, oo ay yihiin kuwa la isku soo dhoobay.

Soomaalida dalkaasi Mareykanka ayaa siweyn u hadal haya xariga Maxamed Nuur waxayna dalbanayaan in sida saxda ah cadaalad loogu raadiyo sarkaalkan, oo aanay dhicin eexasho.

Xafiiska Wararka Ee Muqdisho-Soomaaliya
Email:-halsheeg@gmail.com


Fikradaha Akhristayaasha (0)




ADVERTISEMENT