Maamulka degmada Buulaburte oo sheegay in ay Carruur ka soo badbaadiyeen Kooxda Shabaab

Guddoomiyaha degmada Buulaburte ee gobolka Hiiraan Cismaan Daahir Guure ayaa VOA u sheegay in ay Al-shabaab ka soo badbaadiyeen Labo Caruur oo ka baxsaday Dugsi ay Al-shabaab ku hayeen.

Dhalin-yaradan ayaa la sheegay inay kasoo tageen degaanka Luuq Dhurwaa oo u dhexeeya Buulabarde iyo Beledweyne, waxaana la sheegay inay ku xaraysanaayeen illaa iyo 100 Carruur ah.

Guddoomiyaha ayaa sheegay n waayadaan ay soo badatay Carruurta la’ Afduubta islamarkana ay Al-Shabaab ku xareeyaan Xerooyin kadibna ay u tababaraan in ay dagaalamaan.

‘’Caruurtan iyaga ayaa markii hore ka soo baxsaday, markii aan ka war helnay gadiid ayaa u dirnay halka ay jooga soo qaaday’’ ayuu yiri guddoomiyaha degmada Buula-burte.

Deegaannada hoostaga degmada Buulaburte waxaa muddo dheer maamulaya Al-shabaab oo meelaha qaar go’doomin ku haya isku socodka dadka iyo gadiidka doonaya in ay gudaha u gallaan Al-shabaab.


Fikradaha Akhristayaasha (0)




ADVERTISEMENT