Kursigii muranka ka taagnaa ee Gaarisa oo Adan Barre kaga guuleystay Faarax Macalin

Maxkamadda sare ee dalka Kenya ayaa ugu dambeyn go’aan ka soo saartay kursgii Gaarisa ee ay ku muransanaayeen Aadan Barre Ducaale iyo Faarax Macallin.

Maxkamadda oo saaka u fariisatay go’aan ka gaarista Kursiga ayaa kursigaas u xalaaleysay Aadan Barre Ducaale iyada oo eedihii Faarax Macallin loo waayay caddeymo ku filan.

Laanta Maxkamadda sare ee Kenya u qaabilsan Milimani,ayaa go’aankan ku dhawaaqday daqiiqado ka hor,waxaana Aadan oo ku faraxsan go’aanka Maxkamadda uu yiiri: “waxaan u hambalyenayaa garsoorayaasha i difaacayay,waxaana sidoo kale u mahad celinayaa dadka Gaarisa oo doortay qofkii ay rabeen,waxaan qirayaa in eedihii la igu soo oogay ay ahaayeen kuwo aan caddeyn heysan”.

Aadan waxaa uu u mahad celiyay hoggaamiyaha Kooxda qareennada ee difaaceysay C/Naasir Cabdullahi iyo saaxiibada kale ee ka caawiyay in uu kursigiisa u xalaaloobay.

Maxkamadda ayaa Faarax Macallin ku amartay in uu bixiyo 6Milyan oo lacagta Kenya ah taas oo Aadan uga baxday difaaca dacwadda ka dhanka ah isaga.

Doorashadii dhacday 8 August 2017kii ayuu ku guuleystay Aadan Barre oo hadda ah hoggaamiyaha aqlabiyadda Baarlamaanka dalka Kenya,waxaana kursigan kula tartamayay Faarax Macallin oo horay u soo noqday Guddoomiye ku xigeenka Baarlamaanka Kenya.

Halsheeg Online

Xafiiska Wararka Muqdisho-Soomaaliya

Halsheeg@gmail.com


Fikradaha Akhristayaasha (0)




ADVERTISEMENT