Warar dheeraad ah oo ka soo baxaya diyaaraddii ku bur burtay waddanka Iran

 

Wararka ka soo baxaya burburka diyaaraddii ku dhacday Semirom ayaa sheegaya in dhamaanba 66 ruux oo saarnaa diyaarada ku dhinteen shilka.

Mohammad Tabatabaie, oo ah madaxa xiriirka dadweynaha Aseman Airlines ayaa sheegay in dhamaanba ay dhinteen dadkii la socday diyaarada oo isugu jiray rakaabkii saarnaa iyo Lix shaqaale ah.

Diyaaradda Aseman Airlines ayaa ka duushay garoonka diyaaradaha Mehrabad ee magaalada Tehran, iyadoo ku sii jeedayy magaalada Yasuj ee Isfahan.

”Nasiib darro baarintaan kaddib waxaan ogaanay in dhamaan dadkii la socday diyaarada oo gaarayay 66 ruux ku dhinteen shilka” ayuu yiri Tabatabaie.

Dadka dhintay waxaa ka mid ahaa Ilmo Yar iyo Lix ka mid ah shaqaalihii diyaarada, waxaana wali socda baaritaan la xiriira sababta shilka.


Fikradaha Akhristayaasha (0)




ADVERTISEMENT