TOP NEWS:- Baabuur walaxa Qarax sida iyo darawalkii waday oo gacanta lagu dhigay

Warar hoose oo laga helay sirdoonka G/Banaadir ka tirsan ayaa inoo sheegay inay Ciidamada amaanka gacanta ku dhigeen gaari nuuxa raaxada oo lagu soo xiray walxaha Qarxa.

Gaariga ay ruuxii waday ayaa lagu qabtay isgoyska baar u bax ee magaalada Muqdisho halkaasi oo Ciidamada xasilinta fariisin ay gaadiidka ku baaraan ku leeyihiin.

Mid ka mid ah Saraakiisha Nabad sugida Gobolka Banaadir oo aan la hadalnay ayaa inoo xaqiijiyay jiritaanka warkaan,isagoona ka gaabsaday inuu faah faahin dheeraad ah naga siiyo.

Wuxuuna sheegay in baaritaanka ka dib loo soo bandhigi doono warbaahinta.

Ciidamada Amaanka ayaa feejignaan dheeraad ah maalmihii u danbeeyay la geliyay,waxaana laga cabsi qabaa in weerar Qaraxyo ay Al-Shabaab ka fuliyaan magaalada Muqdisho.

Halsheeg Online

Xafiiska Wararka Muqdisho-Soomaaliya

Halsheeg@gmail.com


Fikradaha Akhristayaasha (0)




ADVERTISEMENT