SAWIRADA:- B/weyne oo lagu soo bandhigay meydka nin ka tirsanaa Shabaab oo qarax ku dhintay

Guddoomiyaha Gobolka Hiiraan Cali Jeyte Cismaan, Taliyaha ciidamada nabad sugida ee Gobolka Cabdulqaadir Maxamuud dhagaweyne, abaandulaha ciidamada xoogga dalka ee gobolka Hiiraan, Col Isaaq shaanbi, iyo saraakiil kale ayaa subaxnimadii hore ee saaka magaalada Beledweyne warbaahinta ugu soo bandhigay meydka nin dhalinyaro ah oo ku dhintay qarax miino oo uu ku aasayay wadada isku xirta garoonka diyaaradaha Ugaas khaalif iyo magaalada.

Cali Jeyte Cismaan gudoomiyaha maamulka gobolka Hiiraan ayaa sheegay in ninkan u doonayay inuu qaraxan ku dhibaateeyo dadka shacab ah balse isaga uu ku dhintay islamarkana shacabka ku nool magaalada Baladweyne ugu baaqay inay la shaqeeyaan ciidamada amaanka si looga hortago falalka Al shabaab ay ku dhibaateynayaan dadka shacabka sida u sheegay.

Ugu dambeyntii ,qaraxan ka dhacay magaalada Baladweyne ayaa ku soo beegmaya xili xalay Xaafadda Xaawo Taako gaar ahaan laanta Nuur Xawaad lagu dilay guddoomiyihii hore ee degmada Bulaburde Cabdi Iidow Sabriye islamarkana hadda ka mid ahaa culumada Tabliiq kaa soo la toogtay xili u ka soo baxay Masaajid ku yaala xaafadda.

Shabakada Hiiraan Xog


Fikradaha Akhristayaasha (0)




ADVERTISEMENT